【親子好去處】兒童歌劇《魔笛》@香港歌劇院

哥哥同芊芊都開始大個，更適合帶佢哋去欣賞更多不同演出，呢晚就入場睇咗香港歌劇院的兒童歌劇《魔笛》。

仲記得細細個聽莫華倫唱男高歌爆玻璃杯真係好勁，原來佢係香港歌劇院嘅藝術總監，歌劇院仲喺2008仲成立埋兒童合唱團，每年暑假會舉辦夏令營，今年係10周年，香港歌劇院特意揀選咗莫扎特作曲的歌劇《魔笛》作爲2018年暑期夏令營嘅演出劇目。

自從藝術中心裝修後，我都未嚟過參觀，今次可以順便到此一遊。

我今日放工後即刻去到灣仔食過飯，就到壽臣劇院欣賞呢套經典之作，演出嘅仲要係一班5至18歲的小朋友，我諗如果係哥哥同芊芊上台表演，佢哋咁怕醜肯定超緊張。

其實香港歌劇院係註冊非牟利團體，希望可以讓年青新一代有優質的歌劇和聲樂訓練，同埋可以參與唔同類型嘅舞台演出(真係超有心喔！)

今晚我哋坐壽臣劇院(高座)，唔單止睇到演員精采演出，呢個角度仲可以清楚咁欣賞埋整個舞台設計燈光效果。

《魔笛》原來係莫扎特逝世前最後一部歌劇作品，今晚有機會到現場欣賞《魔笛》，真係大開眼界。

《魔笛》係講述塔米諾皇子與柏美娜公主的童話式愛情故事。

整個劇目全由小朋友以英語演唱，見到班小朋友咁勁真係超羡慕，玩歌劇都可以練埋英文添。

睇D小演員只係幼稚園級至初中，真係全部都做得有板有眼，有咁嘅質素真係睇到我點哂頭拍哂手掌。

去到最尾謝幕時真係有一DD感動，因為知道小朋友經過辛辛苦苦的練習，喺今晚好成功咁完成整套劇目演出，所以當全場拍爛手掌(特別係超細個的小朋友小演員)，我都忍唔住眼濕濕！

呢個Summer Camp真係對小朋友嚟講，係一個又精采又充滿挑戰性的節目，相信好多小朋友都在這成長了不少。

原來平時香港歌劇院兒童合唱團會有提供好多機會同大師班一齊玩，亦有獨唱機會，相信小朋友從小就可以擴闊佢哋嘅文化視野，如果哥哥同芊芊有興趣就好啦！

如果大家有興趣，依家呀劍讀者可獲學費折扣！只須連續報讀三個月（十月至十二月），並在表格上填上代碼 "OHKCC-KIM"，首月的學費即可享88折優惠（表演證書課程除外）

【現正招生】

試音日期: 2018年9月15日及16日
開課日期: 2018年10月
請按以下連結報名成為香港歌劇院兒童合唱團一分子啦！

http://operahongkong.org/zh-hant/education-outreach/children-chorus-2/

Photo by Sony A7III FE 28mm F/2

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 正所謂(老土)「台上一秒鐘，台下十年功」今次仲要只係得個暑假由零開始，小朋友要挑戰語言、唱歌、演戲等訓練(當然老師都係功不可沒)，眼見好多家長觀眾都大拍手掌支持自己小朋友，實在戥一眾小演員開心。

香港歌劇院兒童合唱團

Facebook專頁：OperaHongKongChildrenChorus

【現正招生】
試音日期: 2018年9月15日及16日
開課日期:2018年10月
請按以下連結報名成為香港歌劇院兒童合唱團一分子啦！
http://operahongkong.org/zh-hant/education-outreach/children-chorus-2/

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。