知道聽日就係8號風球，冇得出街玩就心癢癢，所以一於暴風雨前夕帶哥哥芊芊去玩一玩。我哋去到屯門西鐵5分鐘步程的Party Room - "Why Open"。
"Why Open"呢個名一聽就覺得好特別，我心諗老闆起呢個名梗係想大家親自到場搵答案。
"Why Open？"一打開門見到Party Room的裝潢都同其他好唔同，空間非常大之餘，仲有一道花牆，可以話好療癒。
好多Party Room為咗安放遊戲裝置，都會攪到個場冇咩空間好壓迫感。但係"Why Open"可以同時容納超多100人，而且佢一次收費可至少玩4個鐘頭，可以舒舒服服咁喺度玩一玩抖一抖。
最吸睛就梗係個超大波波池啦！接近30,000個粉紅+白色波波，好卡哇伊呢！絕對係少女色系，用嚟打咭就最啱！
波波池上面佈滿唔同顏色燈球，好似好多個星球咁！
加埋有一大個吹氣蝴蝶，芊芊一時爬上去，一時成個人潛咗入波波堆裏面。
相信每個小朋友嚟到都一定會玩得超開心。
一直叫佢哋去玩吓第二樣嘢，都嗌極唔捨得走！>.<
講起打咭除咗呢個又大又深嘅波波池之外，真係不得不提呢個佈滿花花的牆。
加埋放喺旁邊的一個小吊椅，好似去咗後花園咁！鍾意花嘅朋友喺度打咭真係有這得輸。
真係滿足哂鍾意打咭呃Like嘅朋友仔。
而且見到咁多花，邊坐邊玩都覺得好治癒，最啱就係可以坐低嘆番杯花茶。
花牆總共有3款唔同嘅花，芊芊就最鍾意呢款小太陽花啦！
最尾呢款藍紫色系的花牆又啱唔啱你呢？
其實呢3款花牆的背後分別係3間唔同色系的房間，可以俾客人包房玩、打機、唱K同埋開枱。
仲有個小㕑房及Bar枱，最啱一班Friend低喺度摸住酒杯吹水。
Board Game當然唔少得啦！各式各樣總有一款啱你玩。
頭先咁多樣又波波池又花花牆，好似冇樣Man嘢玩咁，見到有張波枱，終於啱番一班黃金兄弟玩。
兩個當然仲細未識拎Q棍，不過唔駛擔心，因為呢張波枱其實唔單止係可以用嚟篤波，其實佢同時都係一張乒乓波枱。
一秒變身！兩個就可以搓番幾板。
當你以為張枱就係咁多，其實張枱一反轉，又可以變咗氣墊球。
呢張四合一枱真係好厲害，有咁多種玩法，哥哥同芊芊最鍾意玩就係氣墊球，一玩就唔停手。
但係頭先又話「4合1」仲有最後一個用途係咩？ 原來就可以當餐桌用，一人坐一邊仲可以燭光晚餐呀，話時話呢度好適合玩Speed Dating喎
跟住要玩嘅係呢張超巨型充氣彈床，佢唔單止係張可以彈下彈下的床咁簡單，中間有兩支充氣障礙棒棒，一開動自轉嗰陣仲刺激好玩。
一時要踎低，一時要跳過支捧捧，超好玩！玩咗唔駛幾分鐘都索哂氣。
我跳埋落場玩之後，原來仲正，因為同埋小朋友一邊避一邊跳，一睇到對方避唔開跳唔過，就笑到傻咗。
夾公仔機都有呵！仲要係老闆自家出品呀，裏面嘅公仔仲要樣樣正貨。哥哥芊芊見到係tsumtsum對眼都發哂光。
超專注咁希望可以一夾即中。(但世事邊有咁理想呀！)
不過最後都每人夾到一隻，真係又玩又拎好開心呀！
隔離亦有一部標機，呢部機堅係公開賽常用的品牌嚟架！老闆租用放喺度俾鍾意掟標朋友玩，所以鍾意掟標朋友就一定識貨。
小朋友喺旁邊玩，我就喺度自己一個喺度玩標，一個字「爽」！
老闆仲自己砌咗部單反selfie機！如果成班朋友去玩，我肯定會每個Friend都捉住嚟狂打咭。
POPs唔少得啦，佢哋兩個自己揀咗D嘢上嚟扮嘢影相，真心覺得超可愛。
頭先有講過的3間房，分別係粉紅、湖水綠同天藍色。
如果想自己有個小天地，可以喺度閂埋房門自己玩。
未聽過嘅歌一樣可以唱得咁開心。
最後呢間天藍色房間，有埋幾個白雲吊燈，真係好靚好舒服。
番出大廳又可以打下機，而且外面其實係一個小型舞台，所以其實呢度除咗可以開Party之外，仲可以攪番個mini Concert、Talk、Performance之類活動。
芊芊最鍾意玩當然係Overcooked啦！
嚟緊就到中秋啦！一大班朋友上去玩番晚真係唔錯，"Why Open"仲係24小時營業架！
Photo by Sony A7III FE 28mm F/2
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2呀劍評分: 10分
呀劍評語: 一家大細都適合玩的Party Room，而且以悠閒空間及高質服務取勝，並唔係一般又嘈又污糟的唱K派對房，所以喺度玩感覺特別舒服自在，玩完唔係攰，反而係叉電的好地方。
地址
屯門新安街11號華泰工業大廈7樓
收費
星期一至五 晚上6:00前 每位$138
星期一至五 晚上6:00後 及 星期六至日 每位$168
0-3歲免費
3歲以上正價
每加一小時 每位額外收費$30
所有入場朋友只要follow IG like FB，就可以汽水紙包飲品放題。
FB：whyopen
IG：whyopenparty
收費
星期一至五 晚上6:00前 每位$138
星期一至五 晚上6:00後 及 星期六至日 每位$168
0-3歲免費
3歲以上正價
每加一小時 每位額外收費$30
所有入場朋友只要follow IG like FB，就可以汽水紙包飲品放題。
FB：whyopen
IG：whyopenparty
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。