估唔到去海洋公園都有另類玩法，今次參加咗全新一季的「探索歷險課程 2018-19」，可以近距離接觸動物，認識佢哋習性同成長環境，再應用到科學科技上，寓玩樂於學習。
依家成個大氣候都係講STEAM，舊時我哋起碼上到中學先會做吓實驗、整吓網頁...但依家隻隻小學雞幾乎係必修課，仲叻過哂D呀爸呀媽！
平時去海洋公園玩得多，今次參加「探索歷險課程 2018-19」真係覺得好新鮮，課程有分「童遊探索隊」（4 – 5歲）及「樂遊探索隊」（6 – 8歲），去觀察的動物及學習的內容都有分別。
我哋早上集合之後，就去到「山林及川流課室」上堂。
所有小朋友都會獲派發一本筆記簿，用作觀察動物時記低要點。
我哋第一站就先去熊貓館觀察熊貓的習性及居住環境。
可能平時帶小朋友去，都只會到此一遊望望就走，但係今次帶住學習的心態度，哥哥同芊芊都好認真咁去做筆記。
佢哋好認真去分析「盈盈」同「樂樂」個樣有咩唔同，原來除咗個樣就連性格都真係好大分別。
番到課室我哋一齊拆解態貓的便便，可以明顯見到便便全部都係竹葉的殘渣。
佢哋仲可以近距離咁聞下便便，大家聞咗都話冇咩味，但呀芊就話好臭，自己D poopoo都香過佢。
然後我哋再去觀察另一隻動物，係貓頭鷹呀！我哋超近距離見到貓頭鷹，真係睇住佢個頭可以擰到270度，大人都興奮過其他小朋友走近貓頭鷹，小朋友仲問呢隻貓頭鷹係咪同「哈利」入面嗰隻一樣? 哈哈~
知唔知道貓頭鷹係食咩架呢? 原來係食白老鼠鮮肉呀! 不過大家放心，D肉全部係冰鮮肉，經過衞生處理，專門為餵飼貓頭鷹而製作的。
仲有原來貓頭鷹同人差唔多一日食三餐，食完之後仲會自動製造嘔吐物，將多餘的毛骨等未能吸收物變食繭吐番出嚟。
番到課室我哋就一齊去測試物質的酸鹼度及拆解貓頭鷹的食繭。
食午餐後就開始要同探索隊隊員合作用APP製作以動物保育為題的動畫
呢個將大自然同科技結合的STEAM課程，真係好新奇有趣！今次課程係夥拍「多元教育中心Baker & Bloom」去設計的全新課，可以激發 孩子想像力和啟發多元思維，發揮潛能。
依家仲有讀者優惠，呀劍粉絲可以輸入優惠代碼「SSWC8064」，就享有92折。(優惠期：15 Dec 2018 – 15 Jan 2019)
報名詳情可參閱
Photo by Sony A7III FE 16-35mm F/2.8
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2呀劍評分: 10分
呀劍評語: 絕對適合依家小學生，一來可以近距離接觸動物，二來又可以將所見所學運用到APP上，俾小朋友可以互動學習。
報名詳情可參閱
(一)「童遊探索隊」(4 – 5歲)：
課程活動強調觀察，並從中獲啟發設計科學作品。探索隊隊員會觀看水豚的日常生活、親手餵飼魚兒，從中深入認識和比較不同動物的身體結構，了解牠們如何適應居住環境。隊員更會將所學的科學原理應用，自己動手設計和製作自動滑行小艇，激發小朋友對事物的好奇心和興趣。
課程日期：2018年12月21日至2019年2月10日；2019年4月14日至2019年4月28日(3個半天課程)
上課時間：上午9時至中午12時15分；下午2時15分至5時30分
每班人數：24人
(二)「樂遊探索隊」(6 – 8歲)：
課程以動物的飲食和營養為主題，透過科學實驗了解人類行為如何影響環境和野生動物。探索隊隊員可親身接觸海豚，近距離觀察大熊貓和小熊貓，並獨家觀看貓頭鷹餵飼示範。隊員亦會進行多項科學實驗，包括測試物質的酸鹼度及拆解貓頭鷹的食繭，並利用科技軟件製作以動物保育為題的動畫，刺激多元思維和激發創意。
課程日期：2018年12月17日至2019年2月11日；2019年4月14日至2019年4月28日(4天課程)
上課時間：上午9時45分至下午4時15分
每班人數：24人
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。