【親子好去處】海洋公園聖誕全城Hohoho 全港首度音樂劇場《麥兜．出走的魚蛋》

又到聖誕...又到聖誕...每年都好期待海洋公園會找來咩主題一齊玩，果然今年冇令我失望，仲好有驚喜～！有全家都咁鍾意嘅麥兜同麥太，仲帶嚟全港首度上演的《麥兜．出走的魚蛋》音樂劇場。

除咗麥兜之外，今年聖誕樹仲好有特色，配上LED絲帶屏幕，可以用IG上載自己相片在屏幕上，真係好有新意！

今日天氣仲好好！玩完仲可以去食番個麥兜主題餐～

來到噴雪裝置，小朋友好似置身雪地邊走邊跳，我就不停打卡！

像真度都幾高喎！

之後梗係要同聖誕老人影番張相啦！哥哥成日都話聖誕老人係假，話世界上根本就冇。

我話係有架！不過人人都可以係之嘛～

仲有好多街頭表演，真係好有聖誕氣氛！

去到香港老大街，一定要睇住時間去野生捕獲麥兜呀！佢可能會喺電車呢個位置出沒㗎～

然後就可以喺度玩吓攤位遊戲，因為全部都係麥兜裡面嘅角色，仲有今次音樂劇新加的魚蛋弟弟呀！

我哋一於碰吓運氣，睇吓可唔可以贏到公仔先。

真係估唔到，只係玩咗兩個遊戲，就已經中到兩隻啦！

然後到「熊貓薈」食番餐好，因為有麥兜主題餐飲呀～
(其他指定餐廳都有不同款式麥兜主題餐呀！)

乾杯！

我就最鍾意菠蘿油！仲要有麥兜樣，好唔捨得咬落去囉。

大家絕對唔可以錯過的，就係呢齣全港首個麥兜音樂劇呀！

有指定場次時間，大家一定要按時間準時入場呀！

真係好好笑，咩回憶都番哂嚟！仲有吳君如重新錄音的短片呀

故事簡單，每個角色都好爆笑！(我好想劇透囉～)

音樂劇完咗仲可以有機會上台同角色影相喔！

之後當然要同小朋友坐纜車過去玩一玩啦！整個海洋公園都充滿聖誕氣氛，邊個話只係「哈囉喂」先可以嚟！

坐番纜車到香港老大街篤魚蛋食豬腸粉，難得今日有麥兜一齊就懷舊一下！

周邊的佈景都好靚呀，度度都係打卡位！

最後番去40呎高巨型聖誕樹前，上載哥哥同妹妹今日一張靚相上去聖誕樹上面。

唔駛2分鐘就見到自己上載的相，去到聖誕樹上的LED絲帶屏幕啦！

[video]

Photo by Sony A7III FE 16-35mm F/2.8

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 10分

呀劍評語: 講到海洋公園，真係依家一年365日都有藉口可以嚟玩，今年聖誕仲要係偶像麥兜到場，點可以唔野生捕獲佢呀！

聖誕嚟海洋公園兜一兜 “嘜”都有
「海洋公園聖誕全城HO HO HO」將於2018年12月15日正式開幕，海洋公園今年將與超人氣香港原創卡通麥兜合作，上演全港首個麥兜音樂劇場「麥兜．出走的魚蛋」。兩大「香港製造」品牌首次聯乘，定必擦出聖誕驚喜火花！

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。