其實我掹車邊都算係個八十後，不過對荔園印象真係好模，剩係記得試過用香口膠餵大象，同埋坐過咖啡杯，玩過下攤位遊戲咁囉，其他真係冇咩印象。這家荔園 ‧ 流金歲月由尖沙咀搬咗去D2Place, 近近哋一於去懷緬下。
如果有去過大樹先生就知道D2Place 2期位置，荔園 ‧ 流金歲月就在2樓。
其實D2Place一向都好貼地同好有香港人情味，見到周圍佈置就知道，所以我自己都好鍾意去行個轉，不過店舖價錢就唔係好貼地啦！哈哈
【荔園 ‧ 流金歲月】
地址：荔枝角長順街15號D2 Place 二期2樓211-216鋪
我哋盲摸摸求其搵咗架Lift搭咗上嚟，發現原來係後門，不過可以見到恐龍屋。
今次D2Place呢間店足足有6,400平方呎，其中一部份係民園麵家，有得食雲吞麵，正！
一紅一綠都真係幾搶眼。
全店都用上咗好多霓紅燈裝置，懷舊味十足。
餐廳內超多打卡位，處處盡是當年遊樂場的設施。
仲有好多荔園歷史。
原來佢將呢個過山車設計成卡住。
當然唔少得最經典的荔園咖啡杯啦
同埋「快樂叮叮船」啦！
有好多懷舊玩意售賣。
康樂棋呀！不過太貴了吧...$62
行到去正門，見番當年真正的旋轉木馬，現已為古董只供展覽了。
這個全白的荔園虎造型卻帶回點現代感。
我哋去的時侯大概6點鐘，當時人不多，我哋就揀咗坐喺荔園兩隻大字前的位置。
餐具都OK乾淨的，可以好放心用。
仲有懷舊的公雞碗。
打過卡後都要番埋位叫嘢食，不過打開餐牌發現好似朝早嚟飲茶好D，因為見到點心造型真係超吸引。
只怪我太即興，冇好好咁先做下功課，所以只有叫咗幾味簡單小菜炒飯。
的確係幾好食，不過就有少少貴，但係都冇辦法啦！個價錢包埋你打卡架嘛 ！
最後發現唔係好夠飽，就再叫多碗雲吞麵食。
原來在商場消費滿額，可以兌換代幣到門外打機喎！
Photo by Sony A7III FE 16-35mm F/2
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2呀劍評分: 7分
呀劍評語: 食物味道還可以，當然價錢偏貴，不過都係食環境囉！下次若再嚟，可能都會係嚟飲茶，晚飯我就覺得一般一般。
(以上資料更新至文章當日)
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。