又一家親子餐廳開店啦！今次一聽個名，大家都應該耳熟能詳，亦有機會去過的「炑八韓烤餐廳」，今次加入親子元素，肯定又會帶嚟一次韓流襲港。
這家親子餐廳位於觀塘，非常容易去，一點都不難找！
係時侯要教呀芊「襟沙Me打」，帶佢嚟食韓燒，認識定韓流文化，哈哈～
【炑八韓烤親子餐廳】
地址：九龍觀塘鴻圖道90號二樓
交通：觀塘地鐵B2出口步行約10分鐘
電話：2326 2220
營業時間：
星期一至五 11:30-23:30
(星期一至五 兒童遊樂專區下午5點後才開放)
星期六日及公眾假期 10:00-22:00
(星期六日及公眾假期用餐時段安排)
10:00-12:30/13:00-15:30/16:00-18:30/19:00-21:30
網路訂位：https://kidzone.meokbang.com.hk/booking
交通：觀塘地鐵B2出口步行約10分鐘
電話：2326 2220
營業時間：
星期一至五 11:30-23:30
(星期一至五 兒童遊樂專區下午5點後才開放)
星期六日及公眾假期 10:00-22:00
(星期六日及公眾假期用餐時段安排)
10:00-12:30/13:00-15:30/16:00-18:30/19:00-21:30
網路訂位：https://kidzone.meokbang.com.hk/booking
電話：(852) 23262220
一入場就當然唔係講食啦！帶佢去餐廳內的遊戲室「韓系童心空間 」放放風，等佢玩完就會食得多D！
不過今次就冇哥哥份了，畢竟都已經9歲，這場地只適合8歲或以下，所以只帶妹妹進場玩。
有2-3個職員當值遊戲室，一位細心的去測量大家體溫，一個負責濆消毒液，等大家都可以放心玩。
還有一個負責替小朋友穿上韓服，因為「炑八韓烤親子餐廳」設有「親子韓服體驗」，大人小朋友都可以穿上韓服，感受一下韓氣打打咭...哈哈～ 留意每套服只供借用1小時。
(不過切記不要穿上韓服去用餐喔！)
除了波波池外，周邊都設有不同小玩意，芊芊玩之前先坐低扮下靚，女仔人家是要的。
仲有好多木系玩具，好適合較小的寶貝們。
波波池不算大，不過有超多波波，深度好足夠，而且仲好多顏色，打咭一流。
小小的Reading Corner，唔好動的小朋友，靜靜地來個親子閱讀一樣可以。
我家公主當然就係好動啦！仲係好癲嗰隻...
真係數唔到呢度有幾多隻顏色。
仲有兩隻啡皮動物可以騎上去玩，呢隻係咪河馬架呢？
咁呢隻一定係長頸鹿喇！
「炑八韓烤親子餐廳」有韓屋用餐區，係度食嘢真係以為自己去咗韓國囉！
而且通道好闊，行起嚟都好舒服！
玩到咁上下就番埋位準備開餐啦！
媽咪又發揮佢嘅無限創意啦！
我好鍾意呢個裝置，將交剪同燒烤夾，可以放落去，唔會阻住食嘢！
抽油煙的裝置都好有型。
哥哥好幫手，成場都唔駛我兩老去燒，爭在未餵到埋口。
總共有兩個KID燒烤套餐，大家可以按人數同食量去選擇。
炑八KID燒烤套餐(2位用)
燒烤產品：燒肉拼盤、健康野菜
主食(二選一)：憤怒蛋包叔叔 或 健康拌飯先生
炑八KID燒烤套餐(3位用)
小食：窩心摩天輪
燒烤產品：燒肉拼盤、健康野菜
主食(二選一)：人參雞湯 或 Shake Shake愛心便當
兩個食到唔停口，因為D肉真係好新鮮好Juicy，入口咬落去真係好「林」。
食品一D都唔差，仲好真林實料，呢杯荔枝梳打入面，仲有好多鮮果肉。
食到咁上下，你都知小朋友坐得唔耐，所以就帶芊芊去著韓服打個咭。
跟職員講小朋友年齡，Mark低枱號，就可以揀靚衫！不過每套衫只係可以借1小時，同埋再三提醒大家，著住韓服係唔可以去食嘢架！
帶埋哥哥一齊幫妹妹影相！芊芊就做咗我哋幾分鐘的Model仔！
套衫好靚好襯佢！可以幫佢改番個名做「大長芊」，哈哈～
到哥哥拎起相機影，嘩！點解會打斜哂架！
點解個Model變得咁醜樣架！
我一行開咗，轉咗哥哥影，芊芊D甫士都變哂！
再番去餐枱，見到個好靚的便當呀！仲有大人最想細路食的秋葵，噓噓！
呢個套餐真係抵食，仲有個窩心摩天輪，上面有好多炸物同壽司。
芊芊就最識揀，只揀薯片來食！
最後大家仲可以叫多個甜點來食，價錢都相當合宜呀！
Photo by Sony A7III FE 16-35mm F/2
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2(以上資料更新至文章當日)
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。