夏天到啦！又係時侯同陽光玩遊戲，我去過咁多地方，如果可以連接海灘的餐廳，一定非Cafe Roma莫屬，除咗佔盡地利位置，而且食物水準好高，仲有好多親子配套㖭！
今日到Cafe Roma仲參加咗個Pizza DIY體驗，俾哥哥同芊芊可以做個小廚神，自己薄餅自己整。只要惠顧 $98「Cafe Roma x Marcus & Marcus Amusing Kids Set 兒童套餐」, 另加$48就可以將主菜升級至自製薄餅體驗 (逢星期二至五)。
其實大家一聽見馬灣呢個地方，可能就會即刻覺得好遠，唔知搭咩車去！其實真係方便到你唔信，只要搭港鐵到青衣站，C出口一落就有NR330接駁巴士，唔駛10分鐘就到！
今次餐廳仲新增咗好多遊玩設施，包小朋友可以盡情咁玩番一日。
餐廳外面已經係一個小小天地，餐廳提供咗好多玩沙用具，小朋友可以盡情係度玩，大人可以好放心安坐位上睇住。
餐廳內仲有提供親子共讀，有着好多不同種類繪本，真係照顧周到，不論你小朋友好動好靜都可以滿足到。
今日親子薄餅體驗，由Chef Jaakko親自教授，俾小朋友發揮創意，自製喜愛的Pizza。
材料都已經準備就緒，小朋友都專心聽Chef講解，不過哥哥同芊芊都自動波一手一腳自己攪掂。
全部都係小朋友最鍾意的材料，邊學整Pizza邊學英文，最適合年紀較小的小朋友。
先將麵糰搓好，然後壓扁做餅身。
跟住就落自己鍾意的配料。
再用模去裁出不同形狀的芝士造型 (其實另外一個目的就係想即刻食咗裁出多餘的部份)
大功告成！對於所有小朋友都完全冇難度。
影埋張全家幅， 我哋親手造的Pizza就要拎入去焗啦！
每個小朋友完成體驗，都會獲頒發一張證書，可以建立小朋友的自信。
就連雞手鴨腳的芊芊，都可以完成到，俾佢好有成功感喔！
特別提一提，為慶祝暑假的來臨，Cafe Roma將於2019年7月7日(星期日)舉行Cafe Roma夏日派對，餐廳為小朋友準備了一系列精彩活動，包括兒童繪本共讀、非洲鼓工作坊等。
Chef Jaakko 親手造的Pizza果然靚仔好多！
今次除咗參加呢個小廚師體驗外，仲有可以品嚐到 Cafe Roma 與加拿大獲獎兒童餐具品牌Marcus & Marcus攜手推出「Amusing Kids Set 兒童套餐」，今期夏天仲有最新菜單。
當大人等食的時侯，餐廳真係精心安排，仲有D小玩意俾小朋友。
兩個一見到水印貼紙就周身貼
可以等食過程中，又有小玩意提供俾小朋友，真係省卻大人好多心神，可以安安落落的享受。
「Amusing Kids Set 兒童套餐」提供埋Marcus & Marcus的兒童餐具品，兩個咁大個仲話要用，真係醜死怪！哈哈～ 不過其實佢哋都係因為太開心啫，你估人人都用佢哋真係想用咩。
兒童套餐包括餐湯、主菜(可選擇番茄西蘭花蝴蝶粉及迷你夏威夷薄餅)、新鮮雜果及果汁
今次的餐具設計很特別，是沙灘玩樂餐盤，有立體的沙池、城堡及小水池等，真係用餐時都好似在玩樂，全套都只係$98，如於星期二至五，仲可以加 $48 升級參加自製薄餅體驗。
脆香脆茄子片伴番茄羅勒香草醬 HK$88
脆炸番茄意大利飯芝士球伴番茄羅勒香草醬 HK$88
焗法國軟芝士配白松露油、迷迭香及松子 HK$138
黃鰭吞拿魚牛油果沙律 HK$138
無肉不歡薄餅(Meat Lovers) $148
不得不提一下這碟蜆肉長通粉，大大隻的蜆肉都係來自紐西蘭，新鮮空運到港，超鮮甜美味。
意大利蜆肉長通粉 $148
黑松露卡邦尼闊條麵 $148
香烤澳洲羊扒伴烤薯仔、甜椒及法式芥末籽肉汁 $188
香辣蒜蝦配香烤法包 $158
這個全新菜單真係好好味，而且我覺得好抵食！一於下次家庭聚會要再揀Cafe Roma。
佢哋親手造的Pizza出爐啦！
食番自己造的特別好胃口。
再加番杯特飲，真係好有夏日Feel！
最後再配合甜品，真係完滿呀！
焦糖香蕉配Mövenpick楓糖合桃味雪糕 $88
心太軟朱古力蛋糕配Mövenpick楓糖合桃味雪糕 $88
跟住的節目當然就係就咁行出去的海灘啦！
兩個成日玩玩下又走番入餐廳搵我哋，叫我睇東睇西！
整個下午就陪着佢地，一時落去游水，一時上來餐廳又吃吃喝喝，這樣自在就好似去咗度假一樣。
沙灘人亦不多，真係好適合一家大細平日及周末前來！
Photo by Sony A7III FE 28mm F/2
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2Cafe Roma
地址
香港珀麗灣沙灘商場地下 7-8 號舖 (馬灣東灣泳灘右側)
營業時間
12:00 - 23:00
工作坊詳情
收費：每位小童港幣$320
費用包括：薄餅材料、果汁一杯、證書一張、廚師帽及圍裙套裝 (*只需另加港幣$80即可享圍裙繡名服務，詳情請與職員查詢)
時間：約1小時
名額：八位起即可自組工作坊
對象：適合2歲或以上小孩參與
Cafe Roma夏日派對
為慶祝暑假的來臨，Cafe Roma將於2019年7月7日(星期日)舉行Cafe Roma夏日派對，餐廳為小朋友準備了一系列精彩活動，包括兒童繪本共讀、非洲鼓工作坊等。活動當日凡惠顧Cafe Roma x Marcus & Marcus Amusing Kids Set 兒童套餐的客人即可享免費兒童面部彩繪服務一次，名額有限，額滿即止。更多活動詳情及報名資訊，請瀏覽Cafe Roma Facebook專頁。
活動詳情
日期：2019年7月7日(星期日)
時間：下午12時至6時
地點：Cafe Roma 香港珀麗灣沙灘商場地下 7-8 號舖 (馬灣東灣泳灘右側)
費用：全免
活動內容： 非洲鼓工作坊、兒童繪本共讀、沙灘遊戲、兒童面部彩繪服務 (惠顧Cafe Roma x Marcus & Marcus Amusing Kids Set 兒童套餐即可免費享用服務一次，名額有限，額滿即止)
電話
3446 1226
交通
http://www.pitcl.com.hk/tc/bus_service.php
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。