【親子好去處】又一城 x 史諾比星空漫遊登月計劃50週年紀念

今個暑假Snoopy又同大家見面啦，為慶祝史諾比與美國太空總署登月計劃50週年，又一城特別於2019年7月26日至8月18日期間設全港首個《又一城 x 史諾比．星空漫遊》活動紀念展覽。

原來今次展覽係有段故，1969年美國太空人成功登上月球，開創探索宇宙的歷史新一頁，而當時《花生漫畫》作者查爾斯．舒爾茨亦非常支持太空計劃，更被美國太空總署邀請參與相關活動。

「阿波羅10號」的指揮艙就命名為「查理．布朗」，而登月艙更命名為「史諾比號」。自此史諾比正式成為美國太空總署及人類登月計劃的代表。

今次最吸睛的係特別打造逾3米高的巨型3D太空人造型史諾比設置在商場的中庭。

這邊有胡士托(Woodstock)駕駛的太空探索車。

仲有個大型星球互動遊戲裝置。

小朋友可以用平板去控制裝置內的搖控球。

兩個玩到唔捨得走。

Snoopy太空系列係第一次作出展覽，所以搵來好多歷年史諾比太空系列的珍貴收藏紀念品來展覽。

包括1969年出產的史諾比太空人造型公仔、音樂盒、限量版紀念手錶及珍藏記念品等。

右邊係1969年的Vintage Snoopy Astronaut Doll。

嘩！係1965年的Snoopy Spaceship AM Radio，仲要係Made in Hong Kong。

最後介紹這邊有查理．布朗，佢坐住「阿波羅10號」太空船登場。

芊芊話自己要戴上安全帶坐太空船。

真係每個角色造型都好靚，點捨得唔同佢哋打咭。

另一邊當然有《又一城 x 史諾比．星空漫遊》期間限定店。

有好多獨家發售逾百款史諾比限定潮流商品。

更獨家發售極具收藏價值的史諾比太空人系列商品。

於期間限定店內更特設獨家史諾比DIY T-shirt專區，讓大家發揮創意，即場製作獨一無二的個人專屬潮Tee。

仲有其他潮物，包括多款手機殼、文具用品、飾品、家居用品、旅行用品及服裝等。

呢套3D名信片 (共8款) 每張只係 $15，值得儲來做珍藏。

由2019年7月26日至8月18日期間，顧客於又一城以信用卡、借記卡、易辦事、銀聯卡或八達通即日於又一城消費滿港幣500元或以上(最多可累積二張發票)，即可於同日到LG2層《又一城 x史諾比．星空漫遊》期間限定店，以六折購買限定版之史諾比星空漫遊系列摺疊式環保袋乙個#(原價港幣89元)。

Photo & Video by Sony A7III FE 16-35mm F/2.8 & GoPro HERO 7

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

地址

九龍塘達之路80號(港鐵九龍塘站C出口)LG2層

日期及時間
2019年7月26日至8月18日
上午11時至晚上10時(星期一至五)
上午10時至至晚上10時(星期六及日)

電話
2844 2222/ 5500 2342

http://www.festivalwalk.com.hk

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。