今次好開心可以到北角海逸酒店的綠怡咖啡廳嘆「夏日韓風」自助晚餐，而且仲特設有「夏日繽紛」活動，可以俾一家人大飲大食之餘，小朋友仲有得學做小廚神大顯身手。
我哋第一次來到北角海逸酒店吃自助晚餐，超多不同日韓款式食物。
開始食之前仲有得同小朋友一齊玩遊戲做小廚神。
有得玩又有得食，真係一個適合一家大細的選擇。
凡於綠怡咖啡廳享用星期六自助晚餐或星期日自助午餐，年滿 5-12 歲的小朋友便可免 費參加「夏日繽紛」活動，包括「至 Sweet 甜品師」丶「扭扭氣球樂滿 FUN」及「小小 廚神」。
每個周末及周日都有指定的活動提供，每個活動大約20分鐘。而且活動中表現最出色的小朋友，可獲贈酒店下午茶套餐一客。
扭扭氣球樂滿 FUN
（只限 7月27日 及 8月17日 星期六 晚上8:00；7月28日 及 8月18日 星期日 下午1:00）
有專人教授扭出唔同造型的氣球。
呀芊都係好男仔頭，話要扭把機關槍，真係無佢乎！
親手扭到自己鍾意的汽球，而唔係人哋扭俾佢哋，的確係寧舍唔同！
玩完扭汽球，我哋就來學做小廚神，著起圍裙戴埋廚師帽先！
至 Sweet 甜品師 - 鮮果撻製作班
（只限 8月3日、8月24日 及 8月31日 星期六 晚上8:00）
佢哋兩個都係第一次學擠忌廉。
哥哥見師傅擠得好靚，當然啦！眼看越容易做的，其實可能係最難做。
跟住師傅就教佢哋放自己鍾意的鮮果啦！
大功告成！芊芊做的又真係幾見得人喎。
做完梗係要同個Cake打番張咭先啦！
至 Sweet 甜品師 - 杯子蛋糕製作班（只限 7月21日 及 8月11日 星期日 下午1:00）
好多顏色巧靚靚。
小小廚神，薄餅製作班 – 廚師親授製作薄餅（只限 7月20日 及 8月10日 星期六 下午8:00）
小小廚神 - 迷你漢堡製作班（只限 8月4日 及 8月25日 星期日 下午1:00）
新鮮牛肉一落鍋煎真係超香，呀芊就慢慢一層一層的配料砌上去。
冇呃大家，真係好好食~~
頭先整好的Pizza已經焗好啦！都唔知一陣食Buffet仲食唔食得落...
自己親手做的真係特別好味㗎！
小朋友玩完食完，就梗係到我哋大人慢慢嘆啦！
環境好舒服，可以遠望到個海景。
今次自助晚餐係「夏日韓風」，有多款一系列日、韓式美食，冷盤、熱盤以至甜品應有盡有。
哥哥好錫我，幫我夾長蟹腳，仲幫我起埋肉。
真係估你唔到，紅燒碧綠花膠及香煎鵝肝多士伴魚子醬都有。
超開心呀，綠怡咖啡廳竟然有生蠔呀！
唔好意思，我食咗...廿隻！
照燒牛柳粒，真係好正，就算熱咗咁耐，牛柳粒肉質仲係好「林」。
冷盤綠茶鮮蝦冷麵
韓式醬燒 豬仔脾，燒豬仔脾外脆內嫩，配上香濃的韓式醬汁，保證讓你一試愛上。
人參燉雞湯，雞湯以真材實料燉製，味道濃郁甘甜。
超多甜品，又好睇又好食！
每枱客人都會有一席 Häagen-Dazs 雪糕火鍋。
佢哋成日問M記個雪糕筒，外層朱古力脆皮係點整，依家可以自己試一次啦！
Photo & Video by Sony A7III FE 16-35mm F/2.8 & GoPro HERO 7
想跟我去體驗其他活動，快D報名親子團，同埋留意專頁公佈詳情啦！
地址
香港北角英皇道 665 號北角海逸酒店 2 樓 (港鐵鰂魚涌站 C 出口)
「夏日韓風」自助晚餐
推廣期： 2019 年 7月1日至 9月30日
供應時間：每晚 6 時 30 分至 10 時
價目：
星期一至四: 成人$468 / 小童$338
星期五至日及公眾假期: 成人$488 / 小童$358
於酒店網上商店預購可享低至 65 折優惠 (名額有限，先到先得) (2019 年 9 月 12 至 13 日除外)
「夏日繽紛」活動時間表
時間：2019 年 7月20日至 8月31日 (逢星期六晚上及星期日中午)
地點：綠怡咖啡廳
活動：小小廚神、扭扭氣球樂滿 FUN、至 Sweet 甜品師
訂座電話
2185 2155
網址
http://eshop.harbour-plaza.com/northpoint/
(以上資料更新至文章當日)
http://eshop.harbour-plaza.com/northpoint/
(以上資料更新至文章當日)
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。