第一次入住(熊貓)悅來酒店，當然要來 Panda Cafe 嚐一嚐它的自助晚餐，感覺旅程才算完美。
Panda Cafe就位於酒店3樓。
內裡闊敞感覺很舒適
我最關心就係冰鎮海鮮，有多款選擇我超興奮！
估唔到同樣吸引我的就係呢個甜品區。
真係好靚呀！
好靚呀...
好靚呀...
好靚呀...x1000
唔好意思，除咗呢個咁簡單的讚美，我諗唔到其他作狀的言語了。
全部都做得好精緻，好有心思！食落仲唔錯，超好味！
芊芊最愛的棉花糖朱古力噴泉。
見佢食到咁個樣，我諗唔駛多解釋！
仲有好多其他精緻的甜品，我都未試過食自助餐係食甜品先。
今次真係例外，其他熟食海鮮都暫時被我割蓆，甘願將肚仔空位先讓給甜點。
還好...還好...我仲有好多quota準備去食我最喜愛的刺身及海鮮。
熟食這邊有個超可愛的熊貓裝飾，兩隻熊貓撐着船，放着很多水果在小艇中，估唔到食嘢都有得打咭。
當然唔少得串燒及炸物。
這個蟹仔糯米飯都好吸引，因為怕吃飯會太飽，所以只敢吃少少，但實在太香太好味，所以都要再添多碗。
呢個麵檔都好吸引，大家可以自助揀上麵、菜、配料...
最可愛係呢個印有熊貓的魚蛋。
竟然有麵包蟹喔！超開心...
芊芊好似由頭到尾都係食甜品咁...
好貼地呀，雞蛋仔都有！
在麵檔旁邊，竟然有個兒童遊戲室。
大家都知小朋友食嘢有幾快，所以有呢個遊戲室簡直就Fit哂。
一個小小天地，芊芊玩得好開心，玩完又可以走出來繼續食。
超多熊貓俾小朋友玩同打咭。
雖麻雀少但仍五臟俱全，已足夠俾小朋友待在這裡玩。
Photo & Video by Sony A7III FE 16-35mm F/2.8 & GoPro HERO 7
想跟我去體驗其他活動，快D報名親子團，同埋留意專頁公佈詳情啦！
地址
荃灣荃華街3號悅來酒店3樓
訂座電話
2409 3218
營業時間
每天上午6時至晚上11時
營業時間
每天上午6時至晚上11時
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。