今天小學生所學的遠比我們這代當年多，就連玩STEAM都已經有Playroom啦！位於活化後的南豐紗廠，在二樓開設了Techbob，一個較適合小學生玩的Playroom。
平日收費$140，假日$190，如果Join埋workshop就可以全日無限進出。
對於我家公子哥哥，波波池瀡滑梯對佢嚟講都開始有點悶。這裏有盡各式各樣的STEM玩意，佢一到場就超興奮，玩到厠所都唔想去。
店位置好開揚，大家都可以看得見內在環境，多款STEAM玩具都可以試玩。
如果仲未知咩叫STEAM的你，就要快D追上潮流啦！我家哥哥都已經被選為學校的STEM校隊。
哥哥芊芊早幾年前都已經可以有接觸STEM，所以對Mbots, microbits等都唔會陌生。
這個以機械人足球對戰，哥哥一入場就最先拎起玩。
我同佢要鬥快控制機械人，將足球推進送入龍門超刺激好玩。
芊芊就去咗做建築師同工程師，自己組裝機械，設計唔同車輛同埋建築物。
完全就地取材，發揮自己創意，組裝咗一架車，但佢話呢架係一個大炮車...(Anyway)
店內都有擺放其他關於STEM的小玩意，這個OSMO我都有呀，亦有介紹過，很好的喔～
唔好以為只係啱小學生，就算有細佬妹未讀小學，都同樣有適合佢的「Little Makers」同埋「STEAM Park」。
仲有航拍玩呀！呢個「無人機探索」區，可以控制無人機去完成指令，我就未試過室內玩喇！
仲有好多吸睛STEAM擺設，呢D都係用LEGO砌出來，配上程式的STEAM玩具。
Nintendo Switch都有發行多款關於STEAM的遊戲喔～
呢架無人機好利害，仲可以在空中或水中玩。
哥哥對組裝類遊戲比較有興趣，因為可以做出屬於自己的創作。
其中一個逗留得最耐的區，就係呢個「機械人游擊戰」。
在一個模擬似貨櫃區的場景，雙方控制住機械人對戰。
機械人有鏡頭可以在iPad屏幕看見對方，亦有機關槍發射攻擊。
兩個有攻有守超刺激，連我都覺得好好玩。
當在屏幕上看見對方機械人，就即刻緊張到亂開槍。
呢個遊戲真係值得推介俾大家，到場後一定要玩。
今日要砌的就係呢架叫Q-scout的機械人。
我哋先組裝整架機械車，然後就可以利用App去下指令去控制佢。
App內說明逐個步驟教小朋友去組裝，非常簡易清楚，哥哥同芊芊都handle到。
你睇吓芊芊自己完成每一Part幾咁滿足開心。
不過佢用螺絲批個姿勢就有D攪笑。
哥哥都好認真咁逐步跟住去做，但係妹妹仲快過佢，哈哈～
看來芊芊呢方面都幾有潛質喎！
組裝完成後，就先落場去控制佢前後左右動作。
用上沒問題後，導師就教佢哋兩個開始編寫程式。
唔好以為芊芊咁細個就唔識，導師叫佢落指式俾機械人，佢一樣做到簡單的動作。
落堂後兩個仍然玩到唔捨得走，於是繼續留底組裝不同機械車。
仲話一定要同佢哋影番張靚相。
芊芊一下就整咗咁多架車出嚟！
仲跟住實物自己製作咗個旋轉機械，真係幾勁喎！
其實玩得多普通Playroom發展完大小肌肉，都係時侯要去到個腦去做運動啦！
想跟我去體驗其他活動，快D報名親子團，同埋留意專頁公佈詳情啦！
營業時間
10AM - 7PM
電話
62182306
網頁
http://www.techbob.com
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
>/
16 Aug, 21
【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳
今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。