杜拜旅遊局最近攪咗個「杜拜旅遊推介會」，介紹2020世博會同多個新景點，我好開心獲得佢哋邀請，完全改寫我對杜拜的印象。
我諗我從來都冇諗過有機會去杜拜這個地方，甚至係帶小朋友去，但係原來今時唔同往日，杜拜已經變咗一個親子天堂。
近年去杜拜旅遊的朋友都有上升趨勢，大家都唔係再淨係識去日本、韓國、台灣等地區旅遊。杜拜除咗有哈利法塔、朱美拉棕櫚島等傳統旅遊勝地，依家已經開發咗好多新景點，啱哂一家大細。
杜拜真係一個好神秘又有趣既地方，一直都有聽過杜拜可以一夫多妻，但今日先知，原來想享齊人之福要有一個準則，就係要公平！即係話，如果你送左一間大屋俾一個老婆，你都一定要送一間同等價值既大屋俾其他老婆。
最搞笑係現場有杜拜服裝俾大家試著，我梗係要帶番屋企同哥哥芊芊試裝玩吓，超卡嘩咿呢！
唔講唔知，原來杜拜既香水好出名架！所以活動當日仲有個香水DIY工作坊俾我哋調香水。
整完香水仲有一大盒杜拜旅遊局既紀念品添呀！
講番杜拜的親子景點，真係估都估唔到原來有咁多，啱哂好動的細路同好靜的大人，哈哈～
先講IMG 冒險世界，佢係杜拜最新、最刺激的主題樂園，佔地超大，差唔多有 28 個足球場。有好多機動遊戲同娛樂設施，仲有好多大家熟悉的動畫角色搵得到，好似飛天小女警同Marvel。
杜拜公園及度假村，原來真係好大架，裡面有好多個主題樂園，包括快門樂園 (Motiongate)、寶萊塢樂園 (Bollywood Parks) 及樂高主題樂園 (Legoland)。
河畔樂園 (Riverland) 既有遊樂設施，又有美食街，係一家大細玩完又食食完又玩的好地方。大家仲可以考慮入住樂園裡面的波利尼西亞風格酒店──拉皮塔酒店 (Lapita Hotel)，實行玩完第朝再繼續玩。
香港個水上樂園就未有得玩住，但係杜拜這裡就有個水上歷險樂園，其中最正係個透明滑水梯，穿過透明管道跌入鯊魚池勁刺激！
同一個地方仲有個海豚灣，可以同海豚來個親密接觸，芊芊見到張相即刻話想去。
咁多日行程如果日日都喪玩，可能大人都頂唔住，大家就可以考慮吓Plan一日去風箏海灘，呢度有滑板公園、室外彈床、歷奇訓練所，仲有專為小童而設的遊樂區。同小朋友嚟游吓水、玩吓沙、拾貝殼，大人就嘆番個Bruch，靜靜地坐喺度睇吓人放風箏，都真係幾寫意㗎！
聽完介紹真係好想計劃一下請假同小朋友去，我諗話俾人知都真係幾特別。我發現杜拜其實除咗去玩之外，仲有好多文化值得去認識，所以話一次行程點去得哂咁多景點。
佢哋兩個都話支香水好香，爭住話要！
芊芊就梗係最鍾意隻駱駝公仔啦！
叫佢哋扮完，當然我最後都要扮俾佢哋睇啦！
兩隻野仲要我扮得扮馬同佢哋影相！究竟係咩玩法？
Photo & Video by Sony A7III FE 16-35mm F/2.8 & GoPro HERO 7
想跟我去體驗其他活動，快D報名親子團，同埋留意專頁公佈詳情啦！
杜拜旅遊局（Dubai Tourism）
目標是不斷提高杜拜全球知名度並吸引更多遊客與外來投資，同時推動杜拜成為世界領先旅遊目的地和商業中心。杜拜旅遊局對杜拜旅遊產業進行規劃、監督、發展和行銷，同時負責對所有的旅遊服務業營業許可證的頒發（包括酒店、地接社和旅行社等）和其年度評級。杜拜旅遊局下屬機構有：杜拜會獎局、杜拜日曆，杜拜節慶和零售部。杜拜旅遊局總部位於杜拜，全球設立了20家海外辦事處。
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。