究竟一起身打開窗廉望住個大海，係一種咩感覺？今次到汀蘭居就真係真實感受到，原來係好好好正㗎!
汀蘭居就位於荃灣青山公路汀九橋附近，其實佢算係一間酒店及服務式住宅。
我哋一家入住汀蘭居感受到一個超方便又舒適的體驗，目測大部份入住客人都係本地人。
主要賣點係酒店有無敵大海景，原來望住個海真係可以好舒服，咩煩惱都暫時掉開。
將來有機會搬屋要暫時搵地方住，汀蘭居都真係一個好好的選擇。
汀蘭居有提供穿梭巴士來往荃灣及荃灣西站。
一到步後兩個就影個不停，證明地方真係好吸引好Relax！
我哋先Check-in入到一房一廳海景單位，芊芊入到房起初想話「咁細...」
點知未講完，見到原來仲有間房就大叫「好大呀～」
廚房同浴室都好企理。
最吸睛都係呢個無敵大海景。
房間用上黑白灰顏色，感覺更加令人舒服平靜。
秒速參觀完房間，就即刻開電視睇。
入住的住客可以免費享用健身室同埋泳池。
可以對住個海跑步同游水，又真係幾寫意喎！
泳池位置可以眺望汀九穚。
日落時侯來欣賞咸蛋黃仲正呀！
酒店大堂都超舒適，見到好多住客都會坐呢度扮文青玩手機電腦。
相反我哋真係唔忙好得閒，一於瞓喺度休息吓！
大堂旁邊就係餐廳，今晚同聽朝都會喺呢度用餐啦！
喺度打咭都真係幾有格調。
酒店都有提供娛樂俾小朋友，咁大人就可以輕鬆休息一下。
終於來到夜晚的自助晚餐時間，真係講起個肚又餓。
環境好寛敞，地方又舒適。
多款新鮮海產不在話下，有麵包蟹、青口、海螺同蝦。
最正係有生蠔吧，無限量供應法國蠔同埋紐西蘭蠔。
真係好吸引呀，食到我停唔到口，連開蠔職員都認得出又係我。
仲有我呢個大叔最喜愛的啤酒，配埋咁多美食真係Perfect Match。
對芊芊來講，甜品先至係重點。
超足料雪蛤膏。
仲有超多款Mövenpick任揀。
食飽飽，真係一番房沖個涼就瞓到第朝天光。
港女話未化妝唔肯俾我影，唔要上鏡！好在仲有個靚景俾我影，真係一瞓醒望到海個種心情難以形容。
落到酒店再嘆番個醒神自助早餐。
竟然有自助Pancake機。
幾款新鮮果汁供應。
叉足電再加埋呢個好味早餐，今次汀蘭居入住體驗，真係超超超滿足！
雖然比不起五星級大酒店，但係環境舒適，服務設施又好！包客房及自助晚餐2位只係$800起，如果包客房及半自助午餐2位更只係$550起性價比真係無得輸。
預訂只需要到汀蘭居官網 https://www.baybridgehongkong.com
1. 點擊「立即預訂」
2. 輸入入住日期
3. 選擇入住房型('Studio' 或 'One bedroom with seaview')，然後點擊'show rates'
4. 參照'Room with semi-buffet lunch for 2' 及 'Room with dinner buffet for 2' 的價錢並預訂
Photo & Video by Sony A7III FE 16-35mm F/2.8 & GoPro HERO 7
想跟我去體驗其他活動，快D報名親子團，同埋留意專頁公佈詳情啦！
地址
交通
電話
網址
香港荃灣汀九青山公路123號
交通
電話
2945 1111
網址
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。