前所未有的住宿體驗，一D都冇誇張！因為我哋好似去咗另外一個世界咁，真真正正的放鬆享受。
帝樂文娜公館 The Luxe Manor 就位處尖沙咀的諾士佛臺。
今次入住體驗正好為媽咪佢N歲生日來慶祝。
The Luxe Manor 設有 153 間客房、全部都以簡約風格及超現實主義為主 ，跟其他酒店非常不同。
客房內每一件傢私及擺設，都係老闆精心設計，非常有心思！
另外有 6 間主題套房，我哋入住其中一間 Safari 套房，極有中東奢華風韻，感覺自己好似去咗杜拜嘆世界咁！
大家估唔估到房門外呢個裝置有咩用途？原來係用來敲門喎～
套房房間超大，有一個正廳，再加上大房，仲有兩個洗手間喔～
一入去就見到酒店為媽咪預備的生日驚喜。
多謝哂酒店GM的悉心安排喔～好感恩！
生日真的沒甚麼願望，只要健健康康，齊齊正正，常在一起便夠了。
然後來到浴室看看，嘩！真係好有中東特色。
房間每個角落都充滿不同風格的設計。
只係房間都已經有好多個點發掘，大家知唔知呢個櫃原來都有緣機～ 係個行李箱嚟㗎！
其實由酒店大堂開始，到處已經係藝術品，感覺自己就好似去咗一間博物館。
酒店設計充滿西班牙建築大師高更（Antonio Gaudi）的獨特風格，賓客甫進大門，就已經被以金銅色爲主調的華麗入口吸睛，再穿越以瀑布及水晶燈打造的大堂，住客就好似在不知不覺中踏入超現實的神秘世界。
真係穿梭喺現實與超現實之間。
仲有呢張全港得兩張「老夫子」主題座椅，真係全港人的集體回憶。
尤其係芊芊佢特別鍾意，因為佢係超級粉絲，每次去圖書館就係要借「老夫子」睇。
剛才Check-in時已經感受到酒店職員的貼心款待，一早預備好竹蔗茅根俾我哋，佢哋話最近天氣乾燥，最啱就係飲佢，真係超貼心又貼地！
酒店仲有個小小活動俾小朋友，一張以小鳥造型模切的咭紙，俾小朋友發揮想像空間，配合酒店內環境，創造出屬於自己的小鳥。
地下樓層都有健身室及工作間。
酒店都有提供借碟服務，我哋揀咗鍾意的電影番房慢慢睇。
到咗夜晚，我哋就到1樓的 FINDS 餐廳享用晚餐。
最後仲來多一個生日驚喜，酒店知道芊芊都就嚟生日，專登在甜品上寫埋佢個名上去。
我生命中的2個女人，生日快樂！
嘆完晚餐，就即到上一層的 Dada Bar + Lounge，同媽咪去 Chill一Chill 二人世界。
飛開兩個細路，可以同老婆二人世界Me Time一陣，嘆番杯嘢飲真係感覺好正。
我呢杯叫 "Hanky Panky"，老婆嗰杯就叫 "Juliet Strawberries"，好浪漫喔～
CHEERS~ 好飲呀！
非常滿足的一晚，多謝 The Luxe Manor 俾咗我哋一個超開心的周末，同埋媽咪都有一個難忘的生日。
到咗第朝再嘆埋自助早餐，食物款式都好多呀，小朋友可以食到飽飽。
食完就要離開喇～好唔捨得喔！希望下次再有機會嚟啦～
Photo & Video by Sony A7III FE 16-35mm F/2.8 & GoPro HERO 7
想跟我去體驗其他活動，快D報名親子團，同埋留意專頁公佈詳情啦！
RELATED POST
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
26 Nov, 20
【親子好去處】Park Hotel 百樂酒店 「飲飽食醉悠哉」住宿計劃
哥哥同芊芊啱啱考完試，一於帶佢哋去酒店玩番轉，今次我哋揀咗尖沙咀的百樂酒店，點解？好簡單，因為真係超抵住抵玩。
31 Dec, 19
【親子好去處】悅來酒店 Panda Hotel 『大帽』險遊山食宿計劃
少林功夫＋足球就聽過，估唔到酒店住宿＋行山都有得諗，今次參加了悅來酒店 Panda Hotel 『大帽』險遊山食宿計劃，食完嘆完第朝早再去行山身心舒暢～今次悅來酒店特別推 【『大帽』險 遊山食宿計劃】，我哋選擇先入住，第朝食過早餐先去行山，大家可以自由選擇行山的時段。
26 Nov, 19
【親子食記】纜車主題茶餐廳 金牌老香港
究竟仲有咩交通工具未做主題餐廳呢？哈哈，位於山頂廣場內的金牌老香港，正係用上山頂纜車為主題的餐廳，唔止好睇，仲好好食～上得山頂就預咗會貴，不過唔知係因為平時食嘢貴咗，定係佢真係真平，我哋四個人食個Lunch都只係用咗二百幾蚊。
25 Nov, 19
【親子好去處】九龍酒店 玩轉海陸空 探索香港住宿計劃 The Kowloon Hotel
一次過玩盡海陸空的住宿體驗，新鮮感極高，玩過癲過仲可以番酒店嘆大餐，一家人入住真係超滿足。