終於等到啦，出嚟啦Pikachu～ 我最愛的黃金海岸酒店，今年聖誕輪到哥哥同芊芊最愛的比卡超啦！
今日天氣好到極，我哋一早就入到去黃金海岸酒店，未Check-in都去打定卡。
今年初新登場的Pokémon劍／盾新御三家角色「炎兔兒」、「淚眼蜥」、「敲音猴」，都在今次「Pokémon道館訓練員聖誕住宿計劃」見得到。
每位Pokémon小大師Check-in時都會先獲得小智的特別版Pokémon棒球帽。
入住計劃仲包括：入住豪華海景客房一晚(大家可以升級入住全香港首間以Pokémon為主題的海景露台客房)、享用豐富自助早餐、參加「Pokémon環保袋工作坊」、暢玩Pokémon主題的戶外遊戲，及免費使用不同酒店設施等。
第一個打卡位，先到Pokémon聖誕溫馨小鎮，集合多隻Pokémon同靚靚聖誕樹。
中間的Pikachu仲有立體造型，又攬得又錫得。
坐上雪橇仲可以同新角色「淚眼蜥」打卡㖭！
第二個打卡位，就係大堂中央的4米高聖誕樹，最利害係佢由近百隻Pokémon，有Pikachu、木木梟、卡比獸、伊布、車厘龜等組合而成。
樹旁邊仲有兩隻專程由日本飛過來的Pikachu，呢棵聖誕樹絕對係最受歡迎打卡位。
跟住我哋就準備上房啦！好期待Pokémon房間，今晚可以攬住Pikachu一齊瞓。
沿着到升降機的路都盡見Pokémon的蹤影。
超興奮喔～房間到處都係Pikachu，床、被鋪、枕頭、窗廉同好多好多Pokémon公仔呀！(記住唔帶得走㗎)
房間枱上面仲有本精靈寶可夢圖鑑，可以俾佢哋兩個今晚「咪」書囉！(圖中Pikachu係芊芊自己帶去)
就連浴室就有好多Pikachu，周圍都黃黚黚。
可以對住咁得意的Pikachu沖涼真係開心。
仲有對咁可愛的Pikachu杯，如果可以帶哂番屋企就好啦！
跟住我哋就落到去酒店外面玩四款Pokémon戶外遊戲。
我哋先來玩這個「Pokémon充氣障礙賽」
芊芊玩到超開心，不過辛苦職員哥哥成日要幫佢哋執波。
然後再玩「Pokémon充氣滑梯」，來回又跑又爬又瀡，真係放電好玩意。
第三關有「Pokémon充氣迷宮」
兩個秒速就搵到出口，然後就互相捉依因。
最後一關係「Pokémon投擲球」，哥哥芊芊要將精靈球(自己當係)，投擲入去每隻Pokémon的洞中，先可以將佢收服。
經過訓練後，然後再去到海旁那邊，發現又一個戶外打卡位。
呢個Pikachu薑餅人造型，又幾得意喎！
有立體的「敲音猴」呀！
仲有戰鬥型的立體Pikachu喔～
全部都可以近距離接觸，真係好興奮呀！
芊芊俾鐵尾攻擊受傷呀～
Pokémon大師接受訓練後，就出去修行野生捕獲Pokémon啦！
芊芊攞住遊戲紙，睇住地圖逐一Pokémon收服。
每隻Pokémon身邊都有個英文字母，集齊所有字母寸成「炎兔兒」的英文名。
然後番去鯊魚冒險島交俾職員，就可以兌換禮品啦～
經過至Kids遊樂園，順便入去玩下。
最後仲差一隻Pokémon未搵到，原來放咗在一個好隱閉的地方，有睇我這文的朋友就唔駛周圍搵啦！
完成任務後，就可以換取一個Pikachu小印章。
大家同時都可以到附近的黃金海岸商場的「黃金海岸道館訓練營」，這裏有6米高超巨型Pikachu的充氣造型，大家帶定支Wide鏡去打卡好了。
記住Pokémon劍／盾角色「炎兔兒」立體造型都可以在這裏搵到。
千祈唔好唔記得巨型Pikachu兒後，仲有隻可愛立體Pikachu㗎！
商場同樣有「黃金海岸道館訓練營」三大關卡，大家只要讚好FB/Follow IG，就可以免費參加。
三關分別係 Catch it, Hit it & Match it.
行完商場番到酒店，準備要睇Pokémon聖誕樹亮燈儀式，未開始前就去玩機波打發一下。
聖誕節可以話係我哋一家最鍾意的節日，一班小朋友齊集Pikachu樹下唱聖誕歌，特別感受到聖誕氣氛。
而且仲有三隻超可愛Pikachu登場，同各位大小粉絲一眾打卡。
夜晚食完飯，仲有個餘興節目，就係Pokémon動畫欣賞晚會，有爆谷及汽水任飲任食。
仲有可愛Pikachu貼紙送俾小朋友，又食又拎仲有得睇戲。
電影開始之前，三隻Pikachu又入來同各位大小朋友玩同打卡超開心！
做咩突然同Pikachu傾起計上來，哈哈～
電影準備要開始啦，小朋友都好興奮！
食完早餐之後，我哋仲有最後一個節目，就係「Pokémon環保袋工作坊」，不過時間未到，我哋又去玩下氣墊球，打發一下。
工作坊開始啦～哥哥同芊芊可以製作屬於自己的Pokémon環保袋。
兩個都好比心機細心咁上色。
之後佢哋仲發揮創意，自己在其他位置畫上自己喜愛的精靈球。
大功告成！最後同自己品牌的Pokémon環保袋合照先。
今個Pokémon道館訓練員聖誕住宿計劃去到尾聲啦～最後我哋就去鯊魚冒險島玩番夠本。
每次去鯊魚冒險島，就好似番屋企樓下的playroom一樣，已經對所有環境非常熟悉。
每次前來都一定會在這個鯊魚口打卡，將來有機會集合多年的相片出來對比一下，肯定好好笑～
最後哥哥芊芊再一次好唔捨得離開黃金海岸酒店， 不過始終都要番屋企收服番佢哋的精靈(即係功課)哈哈～所以最後預約酒店提供的穿梭巴士出番巿區啦～
Photo & Video by Sony A7III FE 16-35mm F/2.8
想跟我去體驗其他活動，快D報名親子團，同埋留意專頁公佈詳情啦！
呀劍評分: 10分
Pokémon道館訓練員聖誕住宿計劃 簡介
「出嚟啦，Pikachu！」今年香港黃金海岸特意邀請紅遍亞洲的Pikachu率領一眾Pokémon，包括今年初新登場的Pokémon劍／盾角色－炎兔兒、敲音猴及淚眼蜥特別來到香港，準備了四大打卡位及七款必玩遊戲，與各位Pokémon訓練家歡度聖誕！
推廣期
2019年11月23日 至 1月1日
香港黃金海岸酒店精心推出「Pokémon道館訓練員聖誕住宿計劃」，務求讓每位訓練家都可盡情四處接受挑戰及進行訓練！計劃包括：入住豪華海景客房一晚、享用豐富自助早餐、參加「Pokémon環保袋工作坊」、暢玩Pokémon主題的戶外遊戲，及免費使用不同酒店設施等。每位入住的小朋友皆可獲贈小智的標誌性裝扮－特別版Pokémon棒球帽，齊齊化身Pokémon動畫主角人物！另外，酒店亦設有全港首間Pokémon主題客房連海景露台讓一眾粉絲升級入住（須每晚額外另加HK$500，另設加一服務費），不論是裝飾品、床單、浴室、陽台都充滿Pikachu及其他經典Pokémon的足跡，訓練家們可以享受被Pokémon滿滿包圍的幸福感。
更多詳情
地址
屯門青山公路青山灣段 1 號
鯊魚冒險島遊樂場
開放時間
星期一至五：上午10時至下午8時
星期六、日及公眾假期：上午9時至下午10時
收費
酒店住客: HK$100 / 50分鐘
非酒店住客: HK$150 / 50分鐘
* 以上收費為一位成人及一位小童
* 凡預訂於「酒店優惠」網頁內所列出的住宿計劃，可免費暢玩乙節
兒童小火車
開放時間
上午10時至中午12時及下午2時至6時(來回大約10分鐘)
收費
酒店住客每次$40/ 非酒店住客每次$60
飛天鋼索
需提前預約，只供6歲或以上，身高超過120厘米及體重不超過100公斤之人士使月
收費
酒店住客$40兩款滑索道各享用乙次/ 非酒店住客$60兩款滑索道各享用乙次
至Kids遊樂園
開放時間
上午9時至下午6時
免費
*詳情請參閱主題客房計劃內容或遊覽以下網址:
使用設施前，需向職員預先登記
電話
2452 8888
網址
https://www.sino-hotels.com/hk/gold-coast/
(以上資料更新至文章當日)
https://www.sino-hotels.com/hk/gold-coast/
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。