今個暑假其中一樣最矚目打卡必到的好去處，就係位於海港城的Pixar Fest，跟咗咁多年的粉絲，由ToyStory至最近的Luca，套套都咁得大人細路喜愛，今年35週年點可以唔嚟打打卡慶祝下～
今次展覽有足足12大人氣電影打卡位，分佈咗喺海港城每一個角落，小朋友可以有機會玩下Treasure Hunt, 每人只要裝咗 #harbourcityizen 呢個APP，裡面就有齊所有呢個活動的資料，同埋附設地圖，去搵你要去嘅地方。
當然淨係得打卡，就一定唔夠吸引啦！大家如果計劃要嚟之前一個星期度，要去定 Klook 預約呢個「彼思動畫精選」，一日有54場次，每節30分鐘 (其實係大約20分鐘，有10分鐘清吓場咁)
其實入到去係一個小小迷你影院，總共有3個轉場，先播出「五星級大鼠」，然後有WALL‧E，最後有得獎短片Birds，頭2個都要企喺度睇，最後一個可以齊齊坐低睇。
WALL‧E場景都有張小櫈仔坐下，不過其實片不太長，企一陣都冇所謂。
最後呢個影院的佈景，我以為自己睇緊龍珠。
睇完片後出番嚟，就唔駛趕時間可以慢慢玩，我哋先去海運大厦嗰邊 POPUP store 買套 postcard，總共有12張，連埋一張心理測驗問題紙。
當去每一個打卡位時侯，除咗拎番專屬 postcard 出嚟打 chop 之外，仲可以搵到條問題，然後在問題紙上填上答案 (A-D)
當你完成「角色性格測驗之旅」最後去番 Redemption Counter 職員就會輸入你答案，然後知道你隱藏的彼思角色。(文末有芊芊的迪士尼角色結果)
第一個打卡點同打 Chop 點就在 POPUP store
今次成個過程我一於少理，交哂俾佢哋拎住個電話，望住地圖自己搵。
好快已經搵到第2個 track point
記住唔好急急腳打完 Chop 就走咗，仲要睇埋條問題問咩，答完先好走呀！
只要做善事捐出$20就可以玩搖控車5分鐘
記住要出番露天地方，近天星碼頭位置，有 PIXAR 巨型 Logo 可以打卡。
同埋搵埋第3個 track point
上到停車場頂層，都有3個 track point 連打卡位。
當然係跟美國 PIXAR 總部一樣大的招牌枱橙及皮球
今日嚟唔算多人，但係都要排大約10分鐘隊先可以打到呢張卡，所以大家都起碼影3-4張先肯收手，哈哈～
仲有 "Finding Dory" 同埋 "Up"，聽講夜晚嚟影都好靚！如果時間就到黃昏先嚟，咁就可以影哂日夜景！
仲有好多好多其他角色
其中最欣賞呢個模仿「怪獸公司」的時空門。
呢度仲可以設計屬於你自己的靈魂
去到近港威那邊最後的track point 就係"Insideout"
大家唔駛擔心，以為要過番去海運那邊去交性格測驗紙，其實呢度都有。
有結果啦～芊芊係....肥克，「為人樂觀，食物就是你的一切...」太準了
大家拎到測驗結果後，仲可以加$20換番張海報或者A4 Folder
Photo & Video by Sony A7III FE 16-35mm F/2.8
想跟我去體驗其他活動，快D報名親子團，同埋留意專頁公佈詳情啦！http://goo.gl/forms/CNZMEPoMIWkouK8o2
【獨家】Pixar Fest @ 海港城「彼思動畫精選」預約
(以上資料更新至文章當日)
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。